من كان يعبد مبارك,فمبارك حي لايموت

من كان يعبد مبارك,فمبارك حي لايموت

Submitted by malek on Sat, 2008-04-26 01:25.

Tagged: 4مايو • اضراب

في البداية..نقول كل سنة وانت طيب ياريسنا,ياغالي على قلوبنا,ونحب نقولك اننا احتفالا باليوم السعيد دا,حنقعد في بيوتنا نولع لك شمع,ونقطع التورته في صحتك ياكبير,بلاها نزول الشغل,وبلاها مواصلات وزحمة,ياريس من حبنا فيك مش عايزين حاجه تعكر دمنا,مثلا كمية التلوث الل هو عمل ربنا طبعا,ماهو لو كان بيحبنا كان اول ماحضرت تلوث هو ينضف,بس دا دليل على كرهه لينا,او مثلا نفتح الجرائد فنلاقي اسعار شقق عمرنا ولو قلبنا واجرنا الحتة اللي ورا سبعه راكب ما حنجيب ربع تمنا,ودا طبعا دليل كره الهي اذلي,ماهو لو بيحبنا كان قلبنا على الاقل كنا حنطلع بمصلحة,ولا مثلا افضل 5 ساعات واقف عشان اجيب رغيف بشلن ,ومالقهوش,دا اكبر اثبات ان العيب من ربنا,اومال,ماهو لو كان واخد باله كان ضرب لنا الارض تطلع بطيخ,بس نعمل ايه ياريس,اهو ضربها طلعت كوسه,المهم يا كبير,احنا حبا فيك والنعمه,وعشان نحتلف باليوم دا بمزاج عالي,خاصة ان خلاص احنا بقى في بيننا عشرة 26 سنة ونصف ودا لا مؤاخذة عمري برضة الا كام شهر,يعني ياريس خلاص,بقى في تعود,فانا بوجهلك الدعوة انك تسمح لنا اننا نقعد في بيوتنا بعد اذنك يعني,عشان ميتفهمش الكلام غلط لاسمح الله,ويتقال علينا العيال بتوع الانترتت اللي بوظوا البلد,وكله في حبك ياريس
ولتحيى مقولة الزعيم الخالد
هشتكنا وبشتكنا ياريس دا انتا رئيس والنعمه كويس.
هذا وبالله التوفيق

619 reads