أنابس خايف علي العياااال

انت عارف ....

معني انك تبقي شايف

ليك عنين وكمان بتحلف انك انت مانت شايف

انت سامع..

في نهايه كل شارع

صوت بيندهوانت راجع

والحقيقه لونها فاقع

وانت تحلف انك انت مانت سامع

انت حاسس

قد ايه جرحك بيوجع

وسط قلوب ناس مش بتسمع

مسكين نار في الايد بتلسع

وكمان بتحلف انك انت مانت حاسس

انت نايموفي بحوووور الظلم عايم
و
وسط سحاب اسود وغايم

وفي نهار الشك صايم

وعاملي فايق...

وكمان بتحلف انك انت مانت نايم

انت اخرس

حابس اللسان والشفه تحرس

رجليك في الطين عماله تغرس

وانت في رجلين الوزير عمال بتلحس

لاجل يمن عليك بحقك

وهو مش سامع نداك

وبرجليه عمااال يزقك





لا


لا فوق من بحووووور الوهم ديه

انت مش كومبارس لسه في مسرحيه

انت مصري ابن مصري

والعروق بيجري فيها دماء عصيه

علي صوتك يالا زعق

بالعيون السمرا برق

وبالودان الاتنين تفرق

بين العدو وبين الحبيب

صاحب البلد والا الغريب

مين اللي قال عدلي الحبيب

ضربه كما اكل الزبيب

مين اللي قااال اه للكوووويز

مين اللي زف مصر العروسه

لليهود في الليل عريسمين اللي قالي اني اعمي

مين اللي قالي اني اطرش

مين اللي قالي في حقي اسيب

وكمان اطنش

ليه رفعوا الفاعل بينما

المفعووول اللي اتنصب

دالفاعل خد قرض من البنك وهرب

والمفعوووول يا خلق هو اللي اتنهب


انا مش حماااار

انا كان لساني عليه غبااااار...من الشلل

وكانت عنيا عليها شمع...

من النوووم وسط العسل

وكانت عنيا مهيش شايفه من السماااار

انا مش حمااااار


انا بس خايف ع العياااال

اللي لسه مجبتهمش

وسط زمن لهم وباااال

فوسط حاااال

منيش عارف ليه اتنصب ليه اتغلب؟؟؟

وليه النحو مش راضي....

يرفع في كتابي كل حااااال؟؟