المشاركات
بوجي.
أنتي عارفه ياطمطم ايه السبب في كل المشاكل اللي احنا فيها
طمطم.
ايه يا بوجي
بوجي.
فشل النظام في العمليه التعليميه اللي كانت سابقا كالماء والهواء
اصبحت اليوم لاتطاق ماديا ولامعنويا ودلوقتي التعليم للي معاه
طمطم.
واللي معهوش
بوجي.
مايلزموش ياطمطم
طمطم.
أه صحيح هي دي عايزه نباهه
بوجي.
أنا ياطمطم بس عايز أقول لترزي القوانين اللي كان شال سنه 6
لما كان وزير تعليم ورجعها تاني انت ليه زعلان من سنه 6
طمطم.
طيب ليه مابتقولوش
بوجي.
لأياطمطم مقدرش اقوله كده أحسن بعدين يفصللي قانون اسمه
اعتقال بوجي ولا حتي اعتقال سنه 6
طمطم.
عندك حق يابوجي ابعد عن الشر وغني له واوعاك تجيبله
سيرة سنه 6 أصله (هو عنده أصل ) عنده حساسيه ضد سنه 6
ياللا بقي سلام أحسن كده يحسبوه تجمهر في وقفتنا سوي
ويبعتوا زوار الفجر ياخدونا وما أدراك مازوار الفجر
بوجي.
طيب سلام علشان انا اتخنقت من كل اللي بيحصل ده وقربت
أنفجر
طمطم.
تنفجر ايه وطي صوتك أحسن بعدين يفكروك ارهابي وللا من
قرايب بن لادن أو الظواهري ....سلام بقي وبكره تجينا
بوجي
أمال ايه امال ايه
ليست هناك تعليقات:
إرسال تعليق