ياساكن قصر العروبه

ياغالى ياساكن قصر العروبه بهديك السلام
وبسال سعادتك عن حال ولادك وحال المدام
وببعت لعندك تهانى مواطن بشهر الصيام
وعارف يافندم بان رجالك قالولك دا كله تمام
ورمضان شهر عادى وليله قصير وبيعدى قوام
ومع كل احترامى لعلمك وعلم رجال معاليك العظام
احب بس اقولك
بان رجالك جميعا بهايم
وشعب سعادتك عديم المزايا البرىء المسالم
خلاص فاض بيه منكم وحالته سخام
ومش لاقى ياكل والبركه فيكم
وبيسهر ليالى بيدعى عليكم
ولو مش مصدق من فضلك اسال اللحمه بكام
هتقولى لحمه ايه بلاش ياكلوا لحمه
هقول لسعادتك تجرب تروح مشوارين فى الزحام
هتقولى زحمه ايه خليكوا فى بيوتكم
هقول لسعادتك وقوف الغلابه فى طابور عيش حرام
هتقولى بلاها عيش كلوا اى حاجه
هقول لجنابك هو انت فاكر نفسك لويس بتاع فرنسا
ومارى انطوانيت هى المدام
ياعم ال.... لو مخدتش قرار بيلغى الحكومه وترخى بيه قوت الانام
هيوصل لعندك طوفان الجواعه وتسمع بودنك ج... او ع... بيصرخ حرام
عشان فرد مصرى وهيكون فرد امنك من كتر جوعه اكل العيلين ون.. المدام