المشاركات
-
حملة تدوينية للإفراج عن طلعت السادات
المدونين أصدقائي كانوا بيتصلوا بيا كتير اليومين اللي فاتوا دول
أثناء أزمة التحرش الجنسي الأخيرة مع وزارة الداخلية والصحفيين المخبرين
معظمهم بيقول لي إبعتلنا صورة شخصية ليك
علشان نحضرلك بوستر أول ما يتقبض عليك
ونكتب فيه إفرجوا عن وائل عباس
بل أن بعضهم جاب معاه كاميرا وقعدوا يصوروا فيا بالعافية
وعمالين نضحك ويقولوا آخر صور لوائل عباس
والعشاء الأخير لوائل عباس
الخ
طيب أنا الحمد لله حتى الآن لسه بره
بس الراجل طلعت السادات خد سنة مع الشغل
لأنه عبر عن رأيه ورؤيته لحدث هام ومحوري في تاريخ مصر
ولأول مرة حد يتحبس بهذه الطريقة وهذه الأسباب
بنت جمال عبد الناصر وهو عسكري إتهمت السادات وهو عسكري أيضا بأنه سمم أبوها
ومحدش قال لها تلت التلاتة كام
ولا إنها بتهين المؤسسة العسكرية المصرية العريقة
إبن جمال عبد الناصر كان مشارك في تنظيم ثورة مصر - المسلح - في أوائل الثمانينات
وطلع منها زي الشعرة من العجين !!!
ومع ذلك تلاقيهم بيقولوا إن مبارك إمتداد للسادات
مبارك اللي إعتقل عيلة السادات وصادر أملاكهم أول ما مسك الحكم
مش بس عصمت وطلعت اللي قالوا عليهم تربحوا بسبب قرابتهم للسادات
لكن ستات غلابة لا حول لهم ولا قوة من عيلة السادات
ما كانش حيلتهم غير البيت اللي بيعيشوا فيه صادره مبارك
أمريكا لسه بتحقق في إغتيال كينيدي ومحدش دخل السجن بسبب الموضوع
زاهي حواس قارفنا كل يوم
أخناتون قتلوه !!!
وتوت عنخ أمون بيعملوله أشعة علشان يعرفوا الضربة جاتله منين !!!
ومحدش حبس زاهي حواس !!!
بصوا بقى
مش بتحبوا طلعت السادات
ومش بتحبوا السادات نفسه
وبتقولوا غار في داهية
طب بتحبوا حرية الرأي والتعبير ؟؟؟
مش عاوزين الديمقراطية ؟؟؟
مش عاوزين الشفافية ومحدش يخبي حاجة عن الشعب ؟؟؟
طب ساكتين ليه ؟؟؟
مش بتتسحب منكم أهه حته بحته ؟؟؟
ياريت نصمم بوستر لطلعت السادات زي ما بنصمم حاجات لأيمن نور والإخوان وغيرهم
أنا عارف إن البوستر والحملات كلام ما عادش يجيب همه
بس أهو
أضعف الإيمان
ومبروك للإخوان ولمصر ولكل محبي الحرية الإفراج عن عصام العريان ومحمد مرسي وعقبال أيمن نور وطلعت السادات وكل معتقلي الرأي
حملة تدوينية للإفراج عن طلعت السادات
المدونين أصدقائي كانوا بيتصلوا بيا كتير اليومين اللي فاتوا دول
أثناء أزمة التحرش الجنسي الأخيرة مع وزارة الداخلية والصحفيين المخبرين
معظمهم بيقول لي إبعتلنا صورة شخصية ليك
علشان نحضرلك بوستر أول ما يتقبض عليك
ونكتب فيه إفرجوا عن وائل عباس
بل أن بعضهم جاب معاه كاميرا وقعدوا يصوروا فيا بالعافية
وعمالين نضحك ويقولوا آخر صور لوائل عباس
والعشاء الأخير لوائل عباس
الخ
طيب أنا الحمد لله حتى الآن لسه بره
بس الراجل طلعت السادات خد سنة مع الشغل
لأنه عبر عن رأيه ورؤيته لحدث هام ومحوري في تاريخ مصر
ولأول مرة حد يتحبس بهذه الطريقة وهذه الأسباب
بنت جمال عبد الناصر وهو عسكري إتهمت السادات وهو عسكري أيضا بأنه سمم أبوها
ومحدش قال لها تلت التلاتة كام
ولا إنها بتهين المؤسسة العسكرية المصرية العريقة
إبن جمال عبد الناصر كان مشارك في تنظيم ثورة مصر - المسلح - في أوائل الثمانينات
وطلع منها زي الشعرة من العجين !!!
ومع ذلك تلاقيهم بيقولوا إن مبارك إمتداد للسادات
مبارك اللي إعتقل عيلة السادات وصادر أملاكهم أول ما مسك الحكم
مش بس عصمت وطلعت اللي قالوا عليهم تربحوا بسبب قرابتهم للسادات
لكن ستات غلابة لا حول لهم ولا قوة من عيلة السادات
ما كانش حيلتهم غير البيت اللي بيعيشوا فيه صادره مبارك
أمريكا لسه بتحقق في إغتيال كينيدي ومحدش دخل السجن بسبب الموضوع
زاهي حواس قارفنا كل يوم
أخناتون قتلوه !!!
وتوت عنخ أمون بيعملوله أشعة علشان يعرفوا الضربة جاتله منين !!!
ومحدش حبس زاهي حواس !!!
بصوا بقى
مش بتحبوا طلعت السادات
ومش بتحبوا السادات نفسه
وبتقولوا غار في داهية
طب بتحبوا حرية الرأي والتعبير ؟؟؟
مش عاوزين الديمقراطية ؟؟؟
مش عاوزين الشفافية ومحدش يخبي حاجة عن الشعب ؟؟؟
طب ساكتين ليه ؟؟؟
مش بتتسحب منكم أهه حته بحته ؟؟؟
ياريت نصمم بوستر لطلعت السادات زي ما بنصمم حاجات لأيمن نور والإخوان وغيرهم
أنا عارف إن البوستر والحملات كلام ما عادش يجيب همه
بس أهو
أضعف الإيمان
ومبروك للإخوان ولمصر ولكل محبي الحرية الإفراج عن عصام العريان ومحمد مرسي وعقبال أيمن نور وطلعت السادات وكل معتقلي الرأي
ليست هناك تعليقات:
إرسال تعليق